قصيدة للمرأة التي تعشق الموبايل

[center]بداية الكلام تحية الاسلام

اتركيهِ من إيديكِ إتركيهِ
لك حلي عنو بقى هلكتيهِ

واتطلعي فيني العمى بقلبك

صرلك ساعة عم بتكبسي فيهِ

إي شو هو أهم مني لحتى

كل وقتكواهتمامك تعطيهِ

لسا كل مارن بتنطي من أربعتك

وبنشوة عارمة بتفتحيهِ

نفسي أعرف قبل مايصل لعنا

شلون عشتي بلا ما تحمليهِ

اللي بيشوفك هيك بيقول حتماً

بتعبديهِ بعد الله بتعبديهِ

يخرب بيتك انشالله وبيت بيتك

ماكنتي تعرفي تشحنيهِ

إذا مابتضبيه بشنتايتك هلأ

بدي كسر المطعم باللي فيهِ

ولك أنا حبيبك شو نسيتي والا

الهَمر نساكي اللي بتحبيهِ

إلهي لموبايلك يبعتله حمى

بإشارته.. ولحسُّه تخفيهِ

وتجي لتشعليه يقلك erorr
وسوفت وير العالم مايشفيهِ

خلص لاتبكي أمري لأ الله

طالعيه من الشنتة واحمليهِ

بس مشان محمد ركزي معي

عم غار منو بس تحضنيهِ

قلك على شغلة أنا قايم أمشي

وإنت خليكي مع اللي بتعشقيهِ

أنا ماشي ورح أدعي من قلبي

روحي إلهي ربي تعدميهِ

بس أوعك تعزميني على عرسك

حاكم مو بعيدة تتجوزيهِ

[/center]

ههههههههههههههههه
يسلمو مروانو حلوة كتير بس قولتك بتتجوزو بنهاية القصة
هههههههههههه

orhanlove كتب:: ههههههههههههههههه
يسلمو مروانو حلوة كتير بس قولتك بتتجوزو بنهاية القصة
هههههههههههه

هلا وغلا اخي عيونك الحلوة

مابعرف بس على الاغلب بيتجوزو

حلوة كتير اخي يسلموو .. ان شاء الله بيتجوزوا ليش لاء الله يتمم على خير هههه

» محشش يروي قصيدة بعيد الحب
» ما هي الصفة التي تحتفظ بها من الطفووولة
» قصيدة اتحبنى وانا ضريرة