قصة مضحكة (اللهجة الاردنية مية بالمية)هههه

قصة مضحكة

كان يا ما كان في قديم الزمان، ملك عنده ثلاث بنات.
حب في يوم من الايام انه
يختبر حبهم اله. جاب الكبيرة وقالها : يابا يا حبيبتي قديش بتحبي ابوك الملك
.

البنت من غير تفكير : بحبك قد ما السمك بحب البحر .

الملك فكر وقال
في باله : ايهو السمك بقدر يعيش بدون بحر . هاي البنت بتحبني كتير . وقال الها :
انا كنت عارف انك بتحبيني بس مش لهدرجة . وقام اعطاها قصر كبير ومجوهرات
.

جاب البنت التانية وسألها نفس السؤال . فقالتله : بحبك قد ما الطير
بحب السما . انبسط الزلمة . واعطاها قصر جنب اختها ومجوهرات

بعدين جاب
البنت الصغيرة ( اخر العنقود اللي بموت فيها ) وسألها نفس السؤال . قامت جاوبته :
بحبك قد ما الدقة ( يعني زعتر ) بتحب الشطة

الزلمة زعل وعصب وقام لفحها كف.
ومسكها من شعرها وزتها برة القصر. وما رضي يسمع منها ولا نص كلمة. البنت دارت
بالحواري وعلى ارصفة الطرقات وتسمع كلمة من هاد وكلمتين من هداك . لغاية ماجاها
مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة
.

ودارت الايام ومرت الايام . وفي يوم من الايام كان الملك قاعد بتصيد
بالغابة ونسي حاله وسرح وضاع بالغابة. دور على المرافقين . ولا هم هون . طب الحرس .
فص ملح وداب .؟؟؟؟؟؟؟؟ . ضل الملك يمشي ويمشي لغاية ما لقي هالكوخ لصغير . قالبفوت
برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو
شايفه تعبان . وصار يحكي مع الزلمة...

مرته مش خافي عليها الصوت ........
قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا
؟؟؟؟؟؟؟؟؟ واضحة بنت الملك المقصوفة الصغيرة

بدت تشتغل بالجاجات وخطر على
بالها فكرة . نادت جوزها وقالتله خود شوية الدقة ( يعني زعتر ) هاي مع صحن زيت سلكو
فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام
حط الزيت والدقة قدام الملك وقاله : اتفضل يا عمي على بين ما يجهز الاكل . الملك
ميت جوع وهو بحب الدقة ( كمان يعني زعتر ) كتير . ما بلع اول لقمة ولا صار بده
يستفرغ . وصاح بالزلمة : ولك شو هاد دقة من غير شطة ؟؟؟ كيف بتاكلوها هاي ؟؟؟؟
خخخخخخخ (هاي ضحكه صفرا) ؟؟؟؟؟

وفجأة اتذكر بنته الصغيرة وصار يعيط
زي الهبايل . قاله الزلمة :. شو مالك يا زلمة

انت العاقل . كل هاد مشان شوية
دقة ( زعتر يا جماعة ) هسة الجاج بخلص . قلعطتني ( هاي ما بدها شرح ) . شو. راح
الملك حكى للزلمة القصة . وهو خلص من هون نطت البنت وقالت : بخ كيفك بابا ؟
عرفت اديش بحبك يا فالح . ؟؟؟؟؟؟؟

وهيك عرف الملك قديش بتحبه بنته .
وجابتله دقة بشطة . طبعا ما اكل منها ولا لقمة لانه نزل بالجاج
جرد

واعطاها قصرين ومجوهرات و سوبر ماركت و كروز دخان وشغل جوزها ضريب
مواس عنده

وتوته توته خلصت الحدوتة....

هذه القصة ملطوشة ..............

وطبعا ...
م.ن.ق.و.و.و.و.و.و.ل....... وشكرا..........

هههههههههههههههههههههه
اي بربي انتي اللي بضحكي اكتر من القصة
يسلمو كتير ياعسل

ههههههههههه ليش بضحك اكتر من القصة شو قالولك عني مهرج ولا اراجوز؟؟ Evil or Very Mad

يسلموو على المرور انت العسل والله

ههههههههههههههههههههههههه
اي طريقة القصة الكلام يعني بضحك كتير اكتر من القصة نفسها
هههههههههههه
يمكن اتكوني مهرجة مثلا قصة مضحكة (اللهجة الاردنية مية بالمية)هههه 82960

قصة مضحكة (اللهجة الاردنية مية بالمية)هههه 82960

هههههههههههههههههههههه
اختي ايمان فعلا كلام اورهان صحيح هههههههه

انتوا ليش قالبين علي ماشي لأنكم أخواني الغاليين مارح ارد فداكم احكوا عني اللي بدكم اياه

ههههههههههههههههههههه
نحنا بنمزح معك اختي ولو الاخ اذا ما مزح مع اختو مع مين بيمزح مع بنت الجيران مثلا
هههههههه

ههههههههه ولا يهمك اخي امزح قد ما بدك

يسلمو على قصه المضحكه اختي

الله يسلمك اخي عبود tank,s

يسلمو اختي قصة مضحكة وفيها عبرة وهو عدم التسرع في الحكم والانصات للكلام للاخره

قصة مضحكة (اللهجة الاردنية مية بالمية)هههه ICT14022

أســـــعدنـــي مـــروركـ أخـــي عـاطــف

قصة حلوة ومفيدة وهلا تعلمت الزعتر لازم وية الشطة لان طول عمري اقول الناس كيف تاكل زعتر هههههههههه

هههههه شكرا أخـــــي على مرورك الرائع يسلموو

» ادخل ومارح تندم هههه
» ولــــــــــــــد بطقق الــــــــــقلب هههه
» نصائح للشباب مضحكة